30
октябрь
2020
Тіл пәндері айлығының қорытындысы
Тіл пәндері бірлестігінің айлығының қорытындысы1-30 қазан аралығында Тіл пәндері бірлестігінің айлығы өтті. Бұл айлықта іс-шаралар қазақ, орыс және ағылшын тілдерінде өткізілді. Аталмыш айлық аясында бекітілген жоспар бойынша мектебіміздің тіл мамандары Қазақстан Республикасында тұратын барша халықтың тілін, мәдениетін, салт-дәстүрін қорғауға және дамытуға бағытталған түрлі іс-шаралардың өтуіне белсене ат салысты.
Дүйсенбі күні апталықтың ашылу салтанаты болды. Салтанатты жиын Қазақстан Республикасының Әнұранымен ашылды. Жиында сөз алған бірлестік жетекшісі Г. Абдиманапова тәуелсіз елдің мемлекеттік тілі мәртебелі де тұрақты болып, өрістеп дамуына үлес қосу-жас жеткіншектердің жауапкершілігінде болатын міндет екендігіне тоқталып, ана тіліміздің мерейлі мерекесімен құттықтады.
Тәуелсіздігіміздің тұғырына көтерілген жылдар ішінде елдің бірлігі артқандай. Елімізде ұлтымыздың ұлы тілімен қатар әлемдік тілдердің де құндылығы жоғары. Қазақ балаларының өзге тілді меңгергеніне қуанып, өзге ұлт өкілдерінің қазақ тілінде сөйлеп, білім алып жатқанын көргенде, бір жасап қаламыз.Ұстаздар қауымының басты міндеті-шәкірттерін білім нәрімен сусындатып, болашақ ұрпаққа ұлағатты тәрбие беру.
Пән мұғалімдері бекітілген кестеге сәйкес ашық сабақтар өткізді.
| № | Өтілетін іс-шараның тақырыбы | Пәні | Сыныбы | Өтілу мерзімі мен уақыты | Сағаты | Орны | Жауапты мұғалім |
| 1 | «Қызық екен» | Әдебиет | 9а,9ә | 22.10.2020 | Сағ 3.00 | 31- каб | Алжанбаева Нұрғайша |
| 2 | «Жүзден жүйрік» | Қазақ тілі | 5ә | 22.10.2019 | Сағ 3.00 | 19-каб | Калменова Салтанат |
| 3 | «Тапқырлар тартысы» | Қазақ тілі | 9а | 23.10.2019 | Сағ 3.00 | 33-каб | Абдиманапова Гүлназ |
| 4 | «Тіл білгірі» | Қазақ тілі | 5а | 21.10.2019 | Сағ 3.00 | 21-каб | Серікбаева Балауса |
| 5 | «Люби и знай русский язык» | Орыс тілі | 7а | 20.10.2019 | Сағ 3.00 | 19- кабинет | Даулбаева Гүлжан |
| 7 | «Кім жүйрік» | Ағылшын тілі | 10-11 | 21.10.2019 | Сағ 3.00 | 17- кабинет | Ақылова Ләззат |
Қазақ тілі мен әдебиеті пәнінің мұғалімі Алжанбаева Нұрғайша апталықтың бірінші жұмасынан бастап 5-11 сынып оқушыларымен диктанттар жаздырды.
«Қызық екен» атты 9а,ә- сынып оқушылары арасында интеллектуалдық сайыс сабақ өтті. Сабақ оқушылар үшін өте қызықты, тартымды болды. Оқушылар сабаққа ерекше белсенділікпен қатысты.
Қазақ тілі мен әдебиеті пәнінің мұғалімі Абдиманапова Гүлназ «Тапқырлар тартысы»атты 9а- сынып оқушыларымен сайыс сабақ өткізді. Сайыс бірнеше бөлімдерден тұрды. Қазақ тілі туралы даналар сөзін оқушылар жаттап келген. «Адамдықтың белгісі-иіліп сәлем бергені» бөлімінде оқушылар екеуара қарапайым диалогтар құрды. «Қос тіл-қос қанатың» атты бөлімінде орыс тілінен қазақ тіліне сөздердің баламасын дұрыс аудару бөлімінде оқушылар қазақ тілінде білетіндерін байқадық. «Зат есімнің септік жалғауларын табу» бөлімінде орыс тілінде оқушылар дұрыс жауап бере білді. «Анам берген-туған тілім, атам берген-құрал тілім» бөлімінде оқушылар тілге қатысты мақал-мәтелдер айтты. «Өзге тілдің бәрін біл, өз тіліңді құрметте» бөлімінде тіл туралы өлеңдерін жатқа оқыды.
Қазақ тілі мен әдебиеті пәнінің мұғалімі Серікбаева Балауса «Тіл білгірі» атты 5а- сынып оқушыларымен танымдық сабақ өтті. Іс-шарада түрлі тақырыптарды оқушылар ақын-жазушыларымыздың өлеңдерін жатқа айтып, мәнерлі оқу бойынша және тұрақты сөз тіркестерінің мәнін ашып, топтық жұмыстар жүргізді. Оқушылар іс-шараның соңында еркін тақырып бойынша өз өнерлерін көрсетті. Мұндағы мақсатымыз оқушылар ұлттық өнерге, көнерген сөздердің мағынасын тура білуге үйрету.
Орыс тілі пәнінің мұғалімі Даулбава Гүлжан «Люби и знай русский язык» атты 7а- сынып оқушыларымен танымдық сабақ өтті. Мұғалім оқушыларға үш тілдің құдіреті туралы мағұлұмат берді. Дос тулалы орыс тілі мен қазақ тілінде аударып жарыстырды. Оқушылар сабаққа ерекше белсенділікпен қатысып отырды.
Ағылшын пәндерінің мұғалімдері Ақылова Ләззат «Кім жүйрік» атты 10-11 сынып оқушыларымен танымдық сайыс сабағын өтті. Сайыс 4 кезеңнен тұрды. Олар «Ана тілім» тақырыбында өлеңдерін ағылшын тілінде мәнерлеп оқу, сөзжұмбақтар шешу, берілген тапсырмалар бойынша сөздер құрастыру, мақал – мәтелдердің жалғасын табу. «Тілім-менің тірегім»тақырыбында өлеңдерін тиісті дауыс ырғағына салып, нақышына келтіре отырып, әр сынып бойынша мәнерлеп оқыған оқушылар анықталып, марапатталып отырды. Тіл туралы заңнан қосымша ақпарат берілді. Әр сыныпқа берілген тапсырмалар мүлтіксіз, қатесіз орындалып отырды. Сайыс өте қызықты өтті, балалардың көңілінен шықты.
28 қазан айында «Мемлекеттік тіл- менің тілім» атты семинар ұйымдастырылды.
| № | Тақырыбы | Өтілу мерзімі мен уақыты | Орны | Жауапты мұғалім |
| 1 | «Мектептегі мұғалімнің көшбасшысы» (коучинг) | 28.10.2019 | Информатика кабинеті | Серікбаева Балауса |
| 2 | «Жақсы көңіл сыйлайық» (тренинг) | 28.10.2019 | Информатика кабинеті | Калменова Салтанат |
| 3 | «Ана тілі-ұлт тірегі» (баяндама) | 28.10.2019 | Информатика кабинеті | Алжанбаева Нұрғайша |
| 4 | Шығармашылық есеп | 28.10.2019 | Информатика кабинеті | Абдиманапова Гүлназ |
| 5 | «Тілім менің тірлігімнің айғағы» (шығармашылық кеш) | 28.10.2019 | Акт залы | Абдиманапова Гүлназ |
| 6 | «Мы и природа. Антонимы» (понарамалық сабақ) | 28.10.2019 | Информатика кабинеті | Даулбаева Гүлжан |
| 7 | «Hight and dark hesson 4» (понарамалық сабақ) | 28.10.2019 | Информатика кабинеті | Ақылова Ләззат |
Ағылшын пәнінің мұғалімі «Жақсы көңіл сыйлайық» атты мұғалімдер оқушылар арасында тренинг өтті. Тренинг 6 кезеңнен тұрады. 1. «Танысу жаттығуы» Ойынға қатысушы амандасу ретінде бір-бірінің көңіл-күйлерін сұрайды. Жаттығуғу қатысушылар өз есімдерімен танысады. Есімдерінің қойылу тарихын әңгімелеп береді. 2. Жаттығуға қатысушыларға тест жүргізіледі. «Сіз мейірімді адамсыз ба»? 3. Психолог: Тест ұсынады. «Қандай ағашты таңдайсыз»?
4. 1) Ойлануға арналған жаттығулар. Ойынға қатысушылар екі жұптан бөлінеді. Екі жұп бір-бірінің көз жанарына үңіліп қарау арқылы бір-бірін сипаттайды.
2) Ойлануға арналған жаттығудың екінші бөлімінде ойынға қатысушы екі жұп бір-біріне қарап отырып, бірінші жұп қарсы жұптың бес жасындағы кезін сипаттайды. Дұрыс айтылса, ия «дұрыс» деп, қате айтылса «дұрыс емес», мен мынадай болдым деп өзі айтып шығуы қажет. 5.Сергіту жаттығуы. «Орындарымен ауыстыру» Ойынға қатысушылар шеңберге тұрады. Содан соң туған айларына қарай орындарын ауыстырады. Әрі қарай да солай жалғастырады.
6. Психолог сөзі. «Жүректен шыққан жылы сөз, жүрекке жол табады» Қатысушылар шеңбер құрып тұрады. Бір-біріне сағаттың тілінің бағыты бойынша жүрекшені ұсына отырып, кезекпен достық тілектерін білдіреді.
Қазақ тілі мен әдебиеті пәнінің мұғалімі Алжанбаева Нұрғайша «Ана тілі-ұлт тірегі» атты баяндама оқыды.
Қазақ тілі мен әдебиеті пәнінің мұғалімі Абдиманапова Гүлназ шығармашылық есебін берді.
Орыс тілі мен ағылшын пәнінің мұғалімдері Даулбаева Гүлжан мен Ақылова Ләззат «Hight and dark hesson 4» және «Мы и природа. Антонимы» атты панорамалық сабақ өтті. Мұғалімдер осы екі мұғалімнің панорамалық сабақтары аудандық семинарларда өтсе деген ұсыныстарын білдірді.
Айлық соңында «Тілім менің-тірлігімнің айғағы» атты шығармашылық кеш өткізілді. Әдеби –музыкалық кеште оқушылар тіл туралы өлеңдер және әндер орындады. Оқушылар арасында тіл мәртебесі, яғни қазақ тілі Қазақстан елінің мемлекеттік тілінің қаншалықты дәрежеге көтерілгені жөнінде әңгімелер жүргізілді. Тіл апталығының қорытындысы шығарылып, оқушылар сыйлықтар мен мақтау қағаздарымен марапатталды.
Түйіндей келе, бұл шаралар осы мерекемен ғана шектеліп қалмай, әрі қарай өз жалғасын табады деп ойлаймыз. Ұлы жазушы Мұхтар Әуезов «Ұлттың тілі – сол ұлттың жаны, жан-дүниесі. Ол жүректі соқтыртып тұрған қан тамыры сияқты. Егер де қан тамыры жабылып қалса, жүрек те соғуын тоқтатпай ма?» - деп тура айтқан. Олай болса, тілімізді қадірлей білейік!
Тіл бірлестігінің айлығы өте жоғары дәрежеде өтті.
Қорытынды: Тіл бірлестігі айлығының қорытындысы қанағаттанарлық деп табылсын.
Ұсыныс. Орыс тілі мен әдебиеті пәнінің мұғалімі Даулбаева Гүлжан мен ағылшын тілі пәнінің мұғаліміі мен Ақылова Ләззаттың панорамалық сабағы аудандық тамыз кеңесіне ұсынылсын.
